RTV AHIRETI
LajmeRajon dhe Botë

Ushtria ukrainase: Kemi trefishuar kontrollin mbi territore

ushtria-ukrainase:-kemi-trefishuar-kontrollin-mbi-territore

Ministria ruse e Mbrojtjes ka konfirmuar tërheqjen e forcave të saj, duke thënë se ky vendim është marrë për t’ua mundësuar ushtarëve “rigrupimin” në territorin e kontrolluar nga separatistët e mbështetur prej Moskës.

Ministria ruse ka konfirmuar edhe tërheqjen e trupave të saj në qytezën e tretë, Balakja, me qëllim të “rritjes së përforcimeve” në frontin e Donjeckut.

Ushtria ukrainase kanë thënë se ka hyrë në këtë qytezë të premten.

Ndërkohë, administrata e instaluar nga Rusia në rajonin e Harkivit, u ka bërë thirrje banorëve që të evakuohen në Rusi “për të ruajtur jetët e tyre”.

Në disa pamje të paverifikuara në rrjetet sociale janë parë radhë të gjatë të njerëzve që ia kanë mësyrë kufirit.

Guvernatori i Belgorodit, rajon kufitar në Rusi, ka thënë se personave që evakuohen do t’iu sigurohet ushqimi, ngrohja dhe ndihma shëndetësore.

Shpejtësia e kundërsulmit ukrainas – të nisur këtë javë – nuk ka zënë në befasi vetëm rusët, por ka befasuar edhe shumë ukrainas.

Megjithatë, rusët ende besohet se zotërojnë një të pestën e Ukrainës.

Presidenti rus, Vladimir Putin, ka urdhëruar pushtimin e Ukrainës më 24 shkurt.

Ai e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre. /rel

Related posts

Belgjikë: Sekuestrohen 7 ton kokainë të fshehur në kontejnerë me banane

rezart morina

SHBA: Rusia po synon të destabilizojë Moldavinë

admin

Shqiptarët në Serbi dënohen nga 1000 deri në 1500 euro për vendosjen e flamurin kombëtar

admin6