RTV AHIRETI
LajmeRajon dhe Botë

28 të vdekur nga konsumimi i pijeve alkoolike të përziera në Indi

28-te-vdekur-nga-konsumimi-i-pijeve-alkoolike-te-perziera-ne-indi

Të paktën 28 ​​persona kanë vdekur dhe 60 të tjerë janë sëmurë nga pirja e pijeve alkoolike të përziera me produkte të tjera në Indinë perëndimore, thanë zyrtarët të martën.

Zyrtari i lartë i qeverisë, Mukesh Parmar, tha se vdekjet ndodhën në rrethet Ahmedabad dhe Botad të shtetit Gujarat, ku prodhimi, shitja dhe konsumimi i pijeve janë të ndaluara. Nuk dihej menjëherë se çfarë kimikate u përdorën për të ndryshuar pijet, raportoi Associated Press të martën.

Ashish Gupta, shefi i policisë së shtetit Gujarat, tha se janë arrestuar disa hajdutë të dyshuar si të përfshirë në shitjen e alkoolit.

Vdekjet nga alkooli i prodhuar në mënyrë të paligjshme janë të zakonshme në Indi, ku pijet e paligjshme janë të lira dhe shpesh përzihen me kimikate të tilla, si pesticide, për ta rritur fuqinë.

Pijet e paligjshme janë bërë gjithashtu një industri jashtëzakonisht fitimprurëse në të gjithë Indinë, ku shitësit nuk paguajnë taksa dhe u shesin sasi të mëdha të produkteve të tyre të varfërve me çmime të lira.

Në vitin 2020, të paktën 120 njerëz vdiqën pasi konsumimit të pijeve të prishura në shtetin verior të Indisë, Punjabi. /koha

Related posts

Erdoğan: Korridori i Zangezurit forcon lidhjet Turqi-Azerbajxhan

rezart morina

OKB bën thirrje për hetim “transparent dhe të besueshëm” për sulmin izraelit ndaj TRT Arabishtes

RTI

Spanjë, sheshet sërish mbushen në mbështetje për Palestinën

admin