RTV AHIRETI
FeaturedKosovëLajmeLajmet

AUV: Në tregun e Kosovës nuk ka çipsa që përmbajnë substanca kancerogjene

auv:-ne-tregun-e-kosoves-nuk-ka-cipsa-qe-permbajne-substanca-kancerogjene

Agjencia e Ushqimit dhe Veterinarisë (AUV), ka konfirmuar se në tregun e Kosovës nuk ka çipsa nga prodhuesi serb, të cilët përmbajnë substanca kancerogjene.

Inspektorati Shtetëror i Kroacisë ka njoftuar sot se janë zbuluar substanca kancerogjene në disa produkte ushqimore serbe. Gjatë ditës, në kufirin Kroaci-Serbi, një nivel i lartë i akrilamidit kancerogjen është gjetur në çipsa. Bëhet fjalë për prodhuesin Chips Way d.o.o. nga Çaçaku – Chips Bits & Byte Paprika 150 g.

Nga AUV-i kanë thënë për Telegrafin se nuk ka dyshime për produktet që eventualisht ende mund të ketë në treg nga ky prodhues për shkak se nga qershori nuk është lejuar asnjë import nga Serbia.

“Në momentin që pranohet informim zyrtar nga RASFF, inspektorati i AUV-it është i gatshëm për veprim. Me informatat e deritanishme nuk ka dyshime për produktet që eventualisht ende mund të ketë në treg nga ky prodhues për shkak se: nga data 14/06/2023 sipas urdhrit nuk është lejuar asnjë import i produkteve me origjinë nga Serbia, urdhër i cili është ende në fuqi”, ka deklaruar zëdhënësi i këtij institucioni, Lamir Thaçi.

Në anën tjetër, ai ka bërë të ditur se importi i fundit me produkte nga ky prodhues është realizuar me datën 29 prill të këtij viti.

“Ndërsa, notifikimi për produkte të kontaminuar është pranuar me 02-08-2023 16:17:39, të cilat kanë datë prodhimi pas datës kur është importuar ngarkesa e fundit”, ka thënë Thaçi, duke shtuar se brenda këtij viti, në të dhënët e sistemit të AUV-së janë realizuar vetëm tri importe nga prodhuesi në fjalë nga një importues i vetëm.

Ndryshe, lajmi për gjetjen e nivelit të lartë akrilamide në patatet e skuqura (çipsa) të prodhuar në Serbi, është bërë i ditur në faqen e internetit të Komisionit Evropian.

Akrilamide gjenden zakonisht në bukë, patate të skuqura, drithëra, biskota dhe kafe.

Agjencia Kroate e Ushqimit vlerëson se prania e akrilamidit në ushqim mund të rrisë rrezikun e zhvillimit të kancerit në të gjitha grupmoshat e njerëzve.

Related posts

Osmani në Kroaci: Serbia do të ndihej më e fuqishme nëse s’ndëshkohet

admin

Paralajmërimi i muajve më parë nga deputetja britanike, Kearns: Serbia furnizon kishën me armatim

admin

Fëmijët në Gaza kanë paguar çmimin më të lartë në këtë krizë thonë nga Save the Children

admin