RTV AHIRETI
LajmeRajon dhe Botë

Një mjet pa pilot regjistroi se si Greqia kthen migrantët në ujërat e Turqisë

nje-mjet-pa-pilot-regjistroi-se-si-greqia-kthen-migrantet-ne-ujerat-e-turqise

Një mjet fluturues pa pilot i forcave detare të Turqisë ka regjistruar se si pala greke në Detin Egje i kthen migrantët e padeklaruar në ujërat turke

Një mjet fluturues pa pilot i forcave detare të Turqisë ka regjistruar se si pala greke në Detin Egje i kthen migrantët e padeklaruar në ujërat turke, raporton Anadolu Agency (AA).

Ministria e Mbrojtjes së Turqisë ka lëshuar një njoftim lidhur me këtë rast.

“Mjeti pa pilot i forcave detare regjistroi se më 9 gusht të vitit 2022, Roja bregdetare e Greqisë, në lindje të ishullit Samos, në Detin Egje, po kthente migrantë të padeklaruar me një gomone në ujërat turke”, thuhet në njoftim.

Thuhet se rojet bregdetare turke janë njoftuar menjëherë për rastin dhe se migrantët kanë shpëtuar.

Janë publikuar edhe pamjet e regjistruara nga mjeti ajror pa pilot. /aa

Related posts

Drejtori Simnica priti në takim imamin Florim ef. Mellova

admin

Senatorët francezë kritikojnë politikën e Macronit për Afrikën

Muhamet Ramadani

Zelensky: Perëndimi premtoi avionë luftarakë modernë

Muhamet Ramadani