Një person është vrarë në Prizren.
Lajmin për teve1.info e ka konfirmuar togeri i Policisë për rajonin e Prizrenit, Shaqir Bytyqi.
“Rreth orës 18:46 është raportuar për të shtëna me armë zjarri në lagjen Arbana. I dyshuari nga automjeti në lëvizje ka shtënë me armë zjarri në drejtim të një personi tjetër. Është konstatuar vdekja e viktimës në vendin e ngjarjes. Viktima është mashkull shqiptar i moshës rreth 48 vjeçar”, tha ai.
Ai ka bërë të ditur se dyshuari i cili është identifikuar ka shtënë me armë zjarri nga vetura dhe është larguar nga vendi i ngjarjes.
Bytyqi tha se Policia ka ndërmarrë të gjitha hapat për kapjen e të dyshuarit i cili është dhe i është rreth moshës 50-55 vjeçare.
Policia bashkë me njësinë e forenzikës janë në vendin e ngjarjes.
