Irani i ka bërë thirrje Izraelit të ndërpresë sulmet e tij në Gaza, duke paralajmëruar se konflikti mund të përshkallëzohet duke përfshirë pjesë të tjera të Lindjes së Mesme nëse Hezbollahu përfshihet.
Ministri i Jashtëm iranian Hossein Amir-Abdollahian theksoi se grupi i Hezbollahut libanez ka shqyrtuar skenarë të ndryshëm lufte dhe ai i kërkoi Izraelit të ndalojë menjëherë sulmet e tij në Gaza.
Ai deklaroi se çdo veprim i ndërmarrë nga rezistenca (Hezbollahu) do të kishte një ndikim të rëndësishëm në Izrael.
Amir-Abdollahian paralajmëroi gjithashtu se autorët e krimeve të luftës dhe ata që mbështesin Izraelin duhet të ndalojnë së dëmtuari civilët në Gaza para se të bëhet tepër vonë, potencialisht brenda disa orësh. /mesazhi